Ka ndërruar jetë sot një person në QKUK i cili më 24 qershor kishte rënë nga kati i tret i një objekti derisa po punonte në fshatin Zallq të Istogut.

Viktima është Avdyl Osmanaj rreth 65-vjeçar nga Gurrakoci i Istogut.

Lajmin për Arbresh.info e ka konfirmuar Fadil Gashi, zëdhënës i policisë për rajonin e Pejës.

“Sot jemi njoftuar nga QKUK-ja se kishte vdekur një person i cili ishte aksidentuar ditë më parë në vendin e tij të punës. Më 24 qershor ka ndodhur rasti, rreth orës 17:25, në fshatin Zallq të Istogut. Viktima kishte rënë nga skelet prej katit të tretë të një objekti ku ishte duke punuar”, tha Gashi.

“Ai u dërguar fillimisht në Emergjencën e Spitalit Rajonal, por për shkak të lëndimeve u transferuar për trajtim në QKUK”, theksoi ai.

“Lidhur me rastin kanë filluar hetimet. Në vendin e ngjarjes ka dalur edhe inspektori i punës. Prokurori ka kërkuar të njoftohet me shkrim lidhur me rastin me të gjitha detajet. Ai po ashtu është në pritje të raportit nga inspektori i punës që më pas të ndermerren edhe hapa të tjerë të nevojshëm”, deklaroi Gashi.

Kujtojmë se sot kanë humbur jetën edhe dy persona në vendin e tyre të punës në Gjakovë./Arbresh.info

LEXO EDHE:

Vdekja e dy punëtorëve në Gjakovë, Prokuroria ndalon për 48 orë investitorin dhe punëkryesin